Вэб сайт хийх үйлчилгээ

Үнийн санал авах хүсэлт гаргах

 

Энэ бол манай компани руу хандаж буй бүх хүмүүсийн асуудаг нийтлэг асуулт юм. Бид ихэнхдээ шууд утсаар эсвэл анхны уулзалтаар хариу өгөх боломжгүй байдаг. Учир нь вэб сайтын бүтэц, технологи, төрөл, агуулга, агуулгыг дүрслэх хэлбэр, орох нэмэлт үйлчилгээ гэх мэт маш олон зүйлээс шалтгаалж харилцан адилгүй үнэ өртөгтэй байдаг. Бид тун удахгүй онлайнаар өөрийн вэб сайтаа бүтээх шинэ үйлчилгээг туршиж эхлэх гэж байна.

"Грийн Софт" ХХК нь олон салбарын төрөл бүрийн сайт хийж ирсэн туршлага дээрээ үндэслэн танай байгууллагын хэрэгцээнд тохирсон хамгийн чанартай, шинэчлэл хийх боломжтой, төлбөрийн уян хатан нөхцөлтэй, үнэ цэнэ бүхий агуулгатай вэб сайтыг хөгжүүлж, урт хугацаанд харилцан ашигтайгаар хамтран ажиллахад бэлэн байна.

 

Түгээмэл асуулт хариулт

Сайн вэб сайт бүтээх нь зөвхөн хөгжүүлэгч компаниас гадна захиалагч таны бэлдэж өгсөн агуулга, хичээл зүтгэлээс ихээхэн хамаардаг

Вэб дизайны асуудлаа хэрхэн шийддэг вэ?

Бидний баримталдаг гол зарчим бол хэрэглэгчид зочлоод хүссэн мэдээллээ хялбархан олох боломжтой байх явдал юм. Сүүлийн үед хийгдэж байгаа зарим цахим хуудсууд хэт их загвар дизайн хөөж бусдаас өөр байх гэж хичээн, хэрэглэгчдийн зан төлөвт байдаггүй элементүүдийг оруулж өгснөөс энгийн нэгэн хэрэглэгчдэд ойлгомжгүй байдал үүсгэж байгаа нь харагддаг.

Бид дэлхийн хэмжээнд ажилладаг компаниудын цахим хуудаснаас үлгэр жишээ авч хийхийг хичээдэг бөгөөд тэдний вэб сайтууд нь жинхэнэ утгаараа хэрэглэгчидтэй холбох үүргээ төгс гүйцэтгэж чаддаг. 

Вэб сайтыг ямар хугацаанд хийдэг вэ?

Энэ нь мөн л вэб сайтын цар хүрээ, орох материал гм олон хүчин зүйлээс хамаарч өөр өөр байдаг. 1 цагийн дотор бэлэн болох вэб байхад 1 сарын хугацаанд хийгдэх вэб ч бас байна. Хугацаа хамаарахгүй жилийн турш засвар өөрчлөлт, нэмэлт сайжруулалт хийгддэг томоохон вэб сайтууд ч байдаг.

Вэб сайт хийлгэхийн тулд юу юу бэлдсэн байх хэрэгтэй вэ?

  • Лого  [PNG эсвэл эх файлаар]
  • Албан ёсны домайн хаягаа сонгох
  • Танай вэб сайтыг ямар үгээр хайхад гарч ирдэг байвал зохимжтой вэ? [түлхүүр үгс]
  • Танай байгууллагатай ижил төстэй үйл ажиллагаа явуулдаг гаднын байгууллагуудын жишээ, вэбсайт?
  • Танай байгууллагын вэб сайтыг цаашид хариуцаж ажиллах комьютерийн мэдлэгтэй мэргэжилтэн
  • Вэбийн бүтэц гаргах [бүтцээ хэрхэн гаргахаа мэдэхгүй бол бидэнд хандаж болно]
  • Вэбийн бүтцийн дагуу хуудас тус бүрийн агуулга [текст, зураг, видео]

Ямар технологи ашигладаг вэ?

"Грийн софт" ХХК- ийн инженерүүд вэб технологийн салбарт 10+ жил ажиллаж байгаа туршлагатай хүмүүс тул өргөн хэрэглэгддэг бүх төрлийн технологийг захиалагч талд санал болгож чадна. Төсөл тус бүрээс хамаарч сонгох технологи нь өөр өөр байдаг.

Ашиглаж болох технологиуд:

  • Symfony framework /бидний хэрэглэж байгаа үндсэн технологи бөгөөд Монголд маш өргөн хүрээнд ашиглагдаж байгаа/
  • Laravel framework  /энэ нь сүүлийн үед хүчтэй гарч ирсэн өргөн хэрэглэгдэж байгаа технологи/
  • Wordpress CMS /дэлхийн нийт вэб сайтын 25% нь энэ систем дээр хийгдсэн байдаг бөгөөд хамгийн хурдан хугацаанд хүчирхэг вэб сайтыг бүтээх шилдэг агуулга удирдах систем юм/
  • Drupal CMS /төрийн байгууллага болон их дээд сургуулиуд энэхүү агуулга удирдах системийг түлхүү ашигладаг/
  • Ruby on Rails /томоохон хэмжээний вэб систем бүтээх хүчирхэг технологи юм. Та бүхний сайн мэдэх Twitter.com Монголоос iKon.mn сайтууд энэ технологи дээр хөгжүүлэгдсэн байдаг/

Ямар вэб сайтыг сайн хийгдсэн гэж үзэх вэ?

Гоё дизайнтай л байвал сайн вэб гэсэн нийтлэг буруу ойлголт хүмүүсийн дунд байдаг. Иймээс та дараах хүчин зүйлсэд анхаарлаа хандуулж үзнэ үү. Бидний философи:

  • Онлайн брошур биш: Та вэб сайтыг одоо болтол компанийн танилцуулга байдаг онлайн брошур гэж хардаг уу? Үгүй шүү энэ бол онлайн салбар танай оффис дээр очоод авч болдог бүх үйлчилгээг авч, мэдэх ёстой бүх мэдээллээ авч чаддаг байх ёстой.
  • Бүрэн дүүрэн мэдээлэл: Та өөрийн бизнес, компанийнхаа тухай бүрэн дүүрэн мэдээллийг байршуулж чадаагүй бол таны вэб сайт ямар ч гоё технологи, дизайн ашиглаад танд үнэ цэнэ авчрахгүй
  • Гар утас: Мобайл төхөөрөмж дээр маш уян хатан ажилладаг байхаар хөгжүүлдэг (орчин үед нийт хандалтын 70+ хувь нь мобайл болсон учир)
  • Хэмжих: Вэб сайт таны бизнест борлуулалт авчирч байна уу? яг хэдэн хүн үзсэн байна? хэн хэн бүртгүүлсэн? хэн хэн танай руу залгаж холбоо барьсан гэх мэт мэдээллийг хэмжиж чаддаг байх
  • Борлуулагч: Таны өмнөөс 24/7 танай бизнесийг ярих үнэнч туслах.
  • Дижитал маркетинг хийх суурь: Ямар ч төрлийн бизнес үйлчилгээ дижитал орчинд маркетинг борлуулалтын шинэ арга барил техникийг шаарддаг. Дижитал маркетингийн аливаа арга техникийг вэб сайтгүйгээр удирдан явуулах боломжгүй.
  • Харилцагчийн сан үүсгэх: Вэб сайт нь танай дотоод CRM тай холбогдож борлуулалтын шинэ сэжим бүрийг алдалгүй бүртгэдэг байх ёстой. Манай систем Hubspot CRM + sales, Mailchimp гэх мэт хүчирхэг системүүдтэй бүрэн холбогдсон. Цаашид илүү олон системүүдтэй холбогдох боломжтой.
  • Дизайн: Орчин үед вэб дизайн гэдэг ойлголт нь маш өөр түвшний асуудал болж байгаа бөгөөд сайн дизайнтай гэхээсээ илүү хэрэглэхэд хэр ойлгомжтой байна вэ гэсэн хэмжүүрээр л хэмждэг болсон.
  • Facebook page vs Вэб сайт: Facebook байхад вэб сайт ямар хэрэгтэй вэ? гэж олон хүн асуудаг. Facebook бол хаалттай систем.Та өөрийн дүрмээр өөрийн форматаар тоглохыг хүсэхгүй байна гэж үү?
  • Хайлтын системийн оновчлол: Google хайлтаар тодорхой түлхүүр үгүүдээр маш дээгүүр гарч ирдэг байх. Учир нь танай үйлчилгээг худалдан авах хэрэглэгч таны вэбийг одоохондоо мэдэхгүй байгаа. Тиймээс Google хайлтын системд өөрийн бизнесийн түлхүүр үгүүдийг тодорхойлж өгөх хэрэгтэй болж байна. Тэр үгүүдээр хайхад танай сайт хамгийн дээгүүр гарч ирэх бөгөөд хэрэглэгч танай мэдээллийг үзээд тэр нь танайд бодит борлуулалт болж байвал жинхэнэ үнэ цэнэтэй вэб сайт болжээ гэж ойлгож болно. Магадгүй та ч манай сайтруу GOOGLE ээс хайж орж ирээд энэхүү мэдээллийг уншиж байж магадгүй юм :)
  • Иж бүрэн админ хуудас: Та өөрийн вэб сайтын мэдээллээ хүссэн үедээ өөрчлөх, засах, устгах боломжтой. IT нарийн мэдлэг шаардлагагүй.

Эдгээрээс авч үзвэл товч тодорхой, өгөөжтэй контент бүхий өөрийн вэб хуудсыг хайлтын системд нийцтэй хөгжүүлснээр хэрэглэгчдийн урсгалыг цаг үргэлж татах боломжтой. Бид танай компанид бодит борлуулалт авчрах вэб сайттай болоход тань туслахад хэзээд бэлэн байна. 

 

Вэб сайт хийх үйлчилгээ