Зайнаас ажиллахад тань туслах програм хангамжууд

Zoom бол дэлхий дээрх хамгийн алдартай видео уулзалтын програм юм. Уг програмыг Windows, Mac, iOS, Android үйлдлийн систем дээр ашиглаж болно. Мөн өөрийн гэсэн апп-тай тул гар утсандаа татаж аваад хэрэглэх боломжтой.

Microsoft Teams for education нь багш нарт цахим анги нээж, дэлгэц болон видео шэйрлэх, оюутан, сурагчидтайгаа видео уулзалт зохион байгуулж, даалгавар өгөх боломжтой сургалтын менежментийн шийдэл юм. Office 365 апп-уудтай холбогдож өгдөг тул файл шэйр хийх, удирдан зохион байгуулахад хялбар.

Google meeting бол 250 хүртэлх хүмүүс нэгэн зэрэг холбогдох боломжтой google-н онлайн уулзалтын шинэ боломж юм.

Энэхүү апп нь аудио болон видео дуудлага хийж, дэлгэцээ хуваалцаж болдог. Хэрвээ та дэлгэцээ бүтнээр нь харуулахыг хүсэхгүй бол хэсэгчлэн буюу тодорхой програмыг хуваалцах боломжийг TeamViewer танд олгоно. Үүгээр зогсохгүй нөгөө хүнийхээ дэлгэцийг удирдах боломжтой байдгаараа онцлогтой.

Онлайн уулзалтын хамгийн алдартай аппуудын нэг Skype. Та уг аппыг утас эсвэл өөрийн компюьтерт суулгаад 24 хүртэлх хүнтэй видео уулзалт хийх болможтой. Мөн та цаад хүнийхээ дэлгэцийг удирдахад ашиглаж болдог.

Loom нь цахим лекц, хичээл, зааварчилгаа, тайлбар бэлдэхэд ашиглагддаг бөгөөд дэлгэцнээс дүрс болон дуу бичлэг хийх үнэгүй програм юм. Жич: Loom-ыг Android үйлдлийн систем дээр ашиглаж болдоггүй.

Slack нь ажлын байрны мессеж апп гэж ойлгож болно. Өөрөөр хэлбэл албан ёсны чат гэсэн үг. Багийн гишүүд хоорондоо мэйл бичих мэдээлэл дамжуулах гэж их цаг авдаг хэцүү асуудлыг энэ апп хөнгөн шийдэж чадсан юм. Жижиг компаниудад үнэгүй хувилбар нь хангалттай гэж бодож байна (10k msg).

Microsoft office 365 нь алсын зайнаас буюу remote ажиллах хэв маягийг олгодог. Энэхүү шийдлийн нэг хэсэг болох Teams нь танд багийнхантайгаа чатлах, уулзах, залгах, хамтран ажиллах, бүгдийг нь нэг дороос хийх боломжийг олгохоос гадна өөр бусад програмуудтай интеграцчлан ажиллах боломжийг олгодог.

Bitrix24 нь өдөр тутмын үйл ажиллагаа, үүрэг хариуцлагын олон асуудлыг нэгтгэсэн том хэмжээний платформ юм. Өөрийн бизнесийг хэдэн минутын дотор үүсгэж болно. Жижиг дунд бизнес эрхлэгчдэд зориулсан үнэгүй хувилбар байдаг.

Энэ төрлийн програм дундаа хамгийн шилдэг нь гэж хэлж болно. Та эргэлзэх хэрэггүй яг одоо бүртгүүлээд хэрэглээд үзээрэй жижиг дунд компаниудад үнэгүй хувилбар нь хангалттай. Манай Грийн Софт ХХК-ийн хувьд энэхүү шийдлийг ашигладаг бөгөөд энэ талаарх туршлагаа та бүхэнд хуваалцахад бэлэн байна.

Trello бол хэрэглэхэд хялбар, маш өргөн боломж бүхий төслийн удирдлага, ажлын төлөвлөлт, багийн хамтын ажиллагааны систем юм. Та хийх ажил, хийж байгаа ажил, хийсэн ажил гэсэн 3 самбар үүсгээд жижиг картууд тавиад шууд хийж буй төслүүдээ удирдаад явах боломжтой. Мэдээж үүн дээр Асанатай адил тухайн ажлын зэрэг буюу түшвин, эхлэх болон дуусах хугацаа, хийх ажилтан, аль төсөлд хамаарагдах зэргийг нарийн оноож өгөх боломжууд нээлттэй байдаг.

Jira нь энэ төрлийн бас нэгэн гайхалтай програм юм. Багийн бүх гишүүд ажлыг задлах, төлөвлөж, удирдах, боломжтой бөгөөд хяналтын систем нь гайхалтай сайн ажилладаг.

Zoho sprints нь шинэ бүтээгдэхүүн гаргахаар ажиллаж байгаа багийн гишүүдтэй байнга холбоотой байх боломжтой прожект менежмент хэрэгсэл юм.

Сая сая бизнесүүдийн итгэлт анд болсон Basecamp нь ажлын орчинд бүтээмж, эмх цэгц, үүрэг хариуцлагыг дээшүүлэхэд хэрэгтэй бүх зүйлийг хийдэг.Төслүүдийг удирдах, үйлчлүүлэгчидтэй ажиллах гэх мэт

Төслийг төлөвлөх, ажилтнуудын үүрэг даалгаврын хугацааг тодорхойлж, эрэмбэлж өгөх боломжийг олгодог бас нэгэн төрлийн төслийн харилцааг зохицуулдаг шийдэл юм.

Энэ нь төслийг төлөвлөхөөс эхлээд төлөвлөсөн ажлуудаа хянах, дахин тодорхойлж, ажлуудынхаа уялдаа холбоог сайжруулахад тусалдаг төслийн менежментийн шийдэл юм.

Google Drive бол ажлын бүтээмжийг дээшлүүлээд зогсохгүй ажил хэргийг эмх цэгцтэй, шуурхай явуулахад чухал ач холбогдолтой шийдэл юм. Та drive ашиглан байгууллага дотооддоо болон бусад хүмүүстээ файл хуваалцаж, алсын зайнаас нэг файл дээр зэрэг ажиллаж санал бодлоо хуваалцах, ажлаа түргэн шуурхай явуулах боломжтой. Хэрэв та үнэгүй Gmail үйлчилгээ ашигладаг бол 15ГБ багтаамжтай Drive үйлчилгээ дагалдаж ирнэ. Харин ажил хэрэгт зориулсан GSuite Work багцын Drive үйлчилгээ 30ГБ багтаамжтай.

Их хэмжээний файл бусдад хуваалцах, эсвэл хадгалах шаардлага гардаг л биздээ.Тэгвэл dropbox танд энэ асуудлыг тань шийдвэрлэхэд туслах клауд шийдэл юм.

Гэрээсээ ажиллаж буй үед туслах бас нэгэн үр дүнтэй технологийн шийдэл бол Майкрософтийн Onedrive юм. Onedrive-т та 1TB хүртэлх датаг онлайнд хадгалж дэлхийн хаана ч байсан ашиглах боломжтой юм.

Маш олон ажлын хажуугаар уулзалт арга хэмжээ, товолсон цагаа мартахгүйн тулд орчин үед хүн бүр гар утасныхаа календарыг ашигладаг болсон. Google calendar-т та уулзалтаа тэмдэглэхдэ болох газар, уулзах хүнийхээ имэйлийг оруулсанаар уулзалтыг тань танд урьдчилан сануулж, тэр ч бүү хэл шууд google meeting, zoom-ээр дамжуулан уулзалт хийх боломжийг олгодог.

Энэ нь мөн адил уулзалтаа тэмдэглэх, төлөвлөх, сануулах боломжийг танд олгодог

Iphone ашигладаг хүн бүр apple note-г ашигладаг байх гэдэгт итгэлтэй байна. Та онлайн хурал эсвэл хүнтэй уулзаж байх үед түргэн шуурхай тэмдэглэл хийх шаардлага гардаг л биздээ. Тэгвэл гар утсаа гаргаад тэмдэглэлээ бичих, төлөвлөхөд тань энэхүү апп танд тусална. Мэдээж үүнээс гадна аpple reminder app болон Todo list, гэх мэт төлөвлөх,тэмдэглэл хөтлөхөд тусалдаг олон програм хангамжууд байдаг.

Ажлын орчны хамгийн шилдэг google-ийн бүх хэрэглээний програмуудыг агуулсан цогц систем. Манай Грийн софт компани өдөр тутмын бүх ажлаа G Suite дээр явуулдаг. 1 хэрэглэгч нь жилийн $70 орчим үнэтэй.

Энэ систем нь цаг хугацаа орон зайнаас үл хамаарч тасралтгүй хурдтайгаар ажлаа явуулахад зориулагдсан хамтын ажиллагааны төгс систем. Дундын файл нээж баримт бичиг боловсруулахаас эхлээд байгууллагын дотоод харилцааг дэмждэг олон аппууд энд бий.

Notion апп-ыг та хувийн хэрэглээнээс гадна байгууллага, хамт олны хүрээнд ашиглах боломжтой. Уулзалт, төлөвлөгөө, зорилго, амралт гээд шаардлагатай бүх хуудсыг үүсгэж, мэдээлэл цуглуулах, хамтран ажиллах, ажлын явцыг хянах боломжийг бүрдүүлсэн байдаг. Notion-ийг Google болон Apple Calendar-тай холбох боломжгүй, компьютероос орж байгаа тохиолдолд заавал интернэтэд холбогдсон байх шаардлагатай байдаг.