Домайн нэр захиалах заавар

2020-10-03

Домэйн нэр гэдэг нь Интернет орчинд байрлаж буй веб сайтуудыг олоход тусалдаг интернет хаяг юм. Тухайлбал: gogo.mn, ikon.mn, greensoft.mn гэх мэт.

Та өөрийн байгууллагыг илтгэсэн домайн нэрийг авч бизнес имэйл, вэб сайт хийлгэхдээ ашиглах боломжтой. Магадгүй та вэб сайтаа хийлгэх болоогүй байсан ч өөрийн компанийн нэрээр эсвэл бүтээгдэхүүн үйлчилгээний нэрээр түрүүлж захиалах нь маш чухал юм. Учир нь домайн нэрийн хэрэглээ ихэсч хувь хүн, байгууллагууд өөрт хэрэгтэй гэж үзсэн домайн нэрийн төлбөрийг төлж хадгалах авдаг болсон. Таны сонгож буй домэйн хаяг бусад social сайтуудын username-д сул байвал ирээдүйд хэрэгтэй. Ж нь би greensoft.mn гэсэн домэйн авах гэж байгаа гэж үзвэл facebook.com дээр бизнесийн page-ээ facebook.com/greensoftmn гэж нээж таарна. Гэтэл facebook.com/greensoftmn гэсэн нэрийг өөр хүн авсан байвал яах вэ гэдгийг бодож үзээрэй.

Та домайн нэр захиалахдаа greensoft.mn сайтад хандаж дараах алхамуудыг хийнэ. 

Нэг. Та манай greensoft.mn ороход хамгийн дээр “Домайн нэрээ оруулна уу” гэсэн бичиг бүхий “Хайх” товчтой хэсэг байх бөгөөд хамгийн түрүүнд энэ хэсэгт өөрийн сонирхож буй нэрийг бичиж хайна. Домайн нэрээ хайхдаа өмнө нь (www, http, https) гэх мэт угтвар бичихгүй шууд бичнэ. Тухайлбал, greensoft.mn, gogo.mn гэх мэт. 

Хоёр. Домайн нэр бичээд хайх товчийг дарахад хэрэв таны авах гэж байгаа домайн нэр сул байвал “Баяр хүргэе Та ……………. Домайн нэрийг авах боломжтой байна” Хэрэв авах боломжгүй буюу өөр хүн ашигладаг бол “............. домайн нэрийг авах боломжгүй байна” гэсэн бичиг гарч ирнэ. Энэ тохиолдолд та өөр нэрээр бичиж дахин хайж үзэж болно.

Гурав. Домайн нэр бүртгэх цонх:

Хэрэв та дээрх домайн нэрээ авахаар болсон бол “Сагсанд хийх”, “Тооцоо хийх” гэсэн товчин дээр дарж цааш үргэлжлүүлнэ. 

Дөрөв. Энэ үед “Домайн нэрийн тохиргоо хийх” гэсэн цонх гарч ирэх бөгөөд энэ цонхноос ямар нэг үйлдэл хийлгүй шууд доор “ҮРГЭЛЖЛҮҮЛЭХ” товчийг дарж цааш үргэлжлүүлнэ. 

Тав. Ингээд “Захиалгын мэдээллийг нягтлах, тооцоо хийх” цонх гарч ирэх бөгөөд эндээс та захиалж буй үйлчилгээгээ хянаад цааш нь “ЗАХИАЛАХ” товчийг дарж үргэлжлүүлнэ. 

Зургаа. “Захиалах” цонх 

Та хувийн мэдээллээ бөглөх бөгөөд мэдээллээ латин үсгээр бичнэ. Тухайлбал, Овог: Dorj, Нэр: Amar гэх мэт. Жич: Таны бүртгүүлсэн имэйл хаягт нэхэмжлэл очих тул байнга ашигладаг имэйл хаягаа оруулах ёстойг анхаарна уу. 

Ингээд хувийн мэдээллээ оруулаад хамгийн доор байрлах үйлчилгээний нөхцөлтэй танилцаад “Complete order” товчийг дарна. Энэ үед таны дэлгэцэн дээр нэхэмжлэл гарч ирэх бөгөөд нэхэмжлэлийн дагуу төлбөр төлснөөр таны захиалга баталгаажна. 

Домэйн хаягийг бизнес эрхлэгч зөвхөн өөрийн мэйл хаягаар бүртгүүлж авах хэрэгтэй. Домэйн хаягийн жинхэнэ эзэн нь тухайн домэйн хаягийг бүртгүүлж авсан и-мэйл хаягийн эзэн байдаг тул та эзэмшигчийн мэйлээ анхаараарай.

Домэйн нэрээ хугацаанд нь сунгаагүйгээс таны вэб хуудас, бизнес имэйлүүд устах мөн устсан домэйн нэрийг сэргээхэд домэйн нэрийн жилийн сунгалтын төлбөрөөс гадна нэмэлт торгууль төлбөр төлөх тул домэйн нэрээ хугацаа дуусахаас нь өмнө сунгаарай!

Домайн нэр захиалах бол энд дарна уу

Домайн нэр захиалахдаа холботой түгээмэл асуулт хариултууд

 

Үндсэн бүтээгдэхүүн

Та бизнесээ онлайн орчинд байршуулахаар шийдсэн үү? Тэгвэл бид танд туслая.

Вэб сайт

Мэргэжлийн хүний тусламжгүй вэб сайт бүтээх систем

Мессеж Маркетинг

Хэзээ ч хаанаас ч өөрийн хүссэн хүмүүс рүү илгээх боломжтой

Онлайн нэхэмжлэл

Та нэхэмжлэхээ хэвлээд сканердаж илгээсээр л байна уу

Вэб байршуулах

Бизнесийн танилцуулга сайтад хамгийн зөв сонголт

Facebook chatbot

Ирээдүйд эхнэр, нөхрөөсөө илүүтэйгээр боттой ярилцана

Сургалт

Та өөртөө оюуны хөрөнгө оруулалт хийгээрэй

Бусад нийтлэл